咖啡沖沖子 群組

各位會員大家好✨

歡迎大家加入，成為沖沖子其中一員， 一同由咖啡陪伴成長🫶🏻

[積分如何成長?!]

*登記成為會員+150積分

1)網頁任何形式消費均可賺取積分$1=100分

2)在群組岀post (咖啡知識/沖煮過程/飲後感) +200積分

其實呢隻豆已經冲咗幾次，寫緊嘅時候已經得返20g都無🫠但係每次飲都覺得好正，唔經唔覺就飲晒都唔記得note返低…再唔寫驚俾人打…

呢隻豆可以話係aromatic嘅極致🫡聞粉已經係非常爆嘅花香士多啤梨香，仲有少少棉花糖+熱帶水果嘅feel。沖出嚟之後（自己覺得偏低溫沖啲味反而extract得清楚啲🧐）飲落反而更加驚喜，maintain到佢嗰種妖艷嘅香甜感之餘，中段又有返種citrus，herbal嘅酸感去balance返，成個package非常完整🥵如果finish都係出返嗰種甜嘅話就更加好

Carbonic Maceration真係偉大發明🙏🏻

幫襯左好多年 🫡 望住店主越做越好真係好感動，感受到真心中意咖啡同埋真係對客好好，我由一開始買裝備都係問佢地意見，新Website要支持出個Post先 !

由原先只係飲好Nutty既豆變到衣加追酒香， Whiskey 酒桶發酵前排就Honduras 好出名 ，但係我又厭有啲太重味同太假， 跟住見到沖沖子出左隻越南既Whiskey，Wet Hulling + 酒桶發酵，試下佢先。

結果都係一如既往，好好飲！

90度水15g粉3段注水260ML

酒香+果皮好出但唔會太重，好甜楓糖味 🙏🏻🙏🏻🙏🏻🙏🏻🙏🏻🙏🏻

自從一試愛上，舊年買過三次不同牌子呢款豆，發覺好考烘焙＆沖煮，烘焙較深會增強甜感但帶多後期苦澀味，如果太淺會偏酸，缺乏蜜瓜甜香。沖煮方面，高溫會增強甜感，尾段苦澀味亦隨之增加，低溫會增酸減甜，相對苦澀亦減少咗。

之前試過幾種沖煮方法，發現Kalita wave比較平衡，但酸味亦減少咗。今日用Hario switch配合 粕谷𠵍 天堂食譜沖煮，相對前甜、後酸都攞到，不妨一試。